Мерцедесот на Тоше на лицитација на интернет

Мерцедесот кој пред неколку години беше управуван од најголемата балканска ѕвезда Тоше Проески се продава и тоа преку интернет лицитација, пишува порталот mnogoo.mk.

Сегашниот сопственик се одлучил да го продаде автомобилот, коj го купил од Тоше пред да загине. На една од фотографиите се гледа бројаница со крст која виси на ретровизорот, па многумина го прашале сопственикот да не случајно бројаницата му припаѓала на пејачот, но тој одговорил негативно и нагласил дека кога го купил автомобилот од Тоше, тој бил празен и чист.


Мерцедесот е „СЛК 200“ од 2004 година, има поминато 50.000 километри и сопственикот е горд што токму тој го поседува автомобилот со кој некогаш управувал Проески. Почетната цена на автомобилот ќе биде 30.000 евра, а лицитацијата ќе започне кон почетокот на месец октомври.